Sipat anu kudu di kanyahokeun

Wajib ka sakur jalma mukalap		Nyaho mu’taqod anu geus teuhilap
Nyahona kudu sing ka ma’rifat		Karana taklidmah eta masih keneh leupat
Numutken ro’yu imam sanusi		Ari iman taklid eta kudu pisan risi
Dauhannana ari taklid dina iman		Eta heunteu suwung – suwung tina pareubuta
wal muqallidu kaapirun sohiibuhu		Khoolidun finnari wazalika fakhopuuhu
Ari jalma taqlid jeung anu ngabareungana		Eta kanaraka urang kudu rerempangan
Supaya iman heunteu kasup taklid		Maka kudu ngaji kana ilmu aqoid
Ari jalma taqlid eta percayana kuat		Ngan teu boga dalil anu beuneur sarta teupat
Ngan moal paham kana ilmu aqoid		Anging ngarti heula anu tilu masing mupid
Hiji wajib aqli dua mustahil aqli		Tilu weunang ceuk aqal nudiseubut zaiz aqli
Ari wajib aqli etateh ngarti aqal		Ayana iyeu alam pasti aya nu ngadameul
Teugeusna akal teu nampa kana ayana ieu alam		Mun euweuh nu ngadameul ku urang pikir sing paham
Numutkeun ahli aqoid wajib ceuk aqal ta’ripna		Nyaeta perkara anu teu kaharti euweuhna
Seperti ayana jirim eta meusti ngalap meunggon		Teu kaharti jirim lamun heunteu ngalap menggon
Ari mustahil aqli ngijir paleunggeurannana		eta sakur peurkara anu teu kaharti ayana
Saperti kumpulna usik jeung cicing kumpul sawaktu		Dina hiji perkara satempat deui nyakitu
Ari zaiz aqli aqal urang kudu ngarti		eta sakur peurkara aya euweuhna kaharti
Sapeurti jaed kacaturkeun boga anak		Atawa kijaed teu kacatur boga anak
Kana sakabeh mu’taqod manusa kudu ma’rifat		Wajib ngarti kana dalilna anu di sebat
Maka teu cukup ma’rifat kana sawareh		tapi wajib anu ma’rifat anu sakabeh
Naha dalil aqli atawana dalil naqli		Dalil aqli oge ijmali atawa tafsili
Ari dalil aqli eta akal urang ngarti		Buktina ieu alam aya nu ngadameul misti
ari dalil naqli ngadalilan ku Al qur’an		kana aya nu ngadameul ku manteuna di dauh keun
Anu fardu aen mah ngarti kana dalil izmal		Hukumna fardhu kipayah ngarti kana dalil tafsil
Ari dalil izmal nu pinteur na anu awam		Ngadalilan aya Allah kuayana ieu alam
ngadalilan aya Allah ku pedah ayana alam		Eta di sebut dalil izmal kudu pisan faham
Ari dalil tafsil ngadalilan aya Allah		Ku mumkin ayana alam boh ku aya ba’da euweuh
Ari sakabeh mu’taqoh eta aya lima puluh		Nu opat puluh hiji disebutna ilahiyah
Anu wajib dua puluh nu mustahil dua puluh		Sipat nu weunang hiji urang kudu pisan kukuh
Nu wajib di rosul opat anu mustahilna opat		Sipat nu weunang hiji kade pisan ulah leupat

1.     Sifat Wujud

Kahijina sifat wujud sifat nu wajib di Allah		Hartina ayana Allah ta’ala mustahil euweuh
Ari dalil kana wujudna Allah ta’ala		Nyaeta buktina ieu alam nu pertela
Ari pangna ieu alam sah dipake ngadalilan		Kana ayana Allah ta’ala nu maha loman
Sabab ieu alam anyar aya nu nganyarken		Moal aya anyar lamun euweuh anu nyieun
Ari alam pangna anyar eta osok rubah robah		Tina poek kana caang tina aya kana euweuh

2.     Sipat Kidam

Wajib di hak Allah sifat kidam kaduana		Hartina ayana Allah heunteu aya mimitina
Anyarna ieu alam jadi dalil kana kidam		Sabab mun Allah teu kidam saha nu nganyarken Alam
Kana anyar ieu alam aqal urang eunggeus ngarti		samangsa teuteup anyarna aya nu ngadameul misti
Lamun Allah anyar tangtu aya nu nganyarkeun		Tangtu nu nganyarkeun oge butuheun kanu nganyarkeun
Mangka kitu saterusna moal rek aya tungtungna		Eta disebut tasalsul anu yakin mustahilna
Tawa ngadago dat sejen Allah taala ayana		Eta moal kaharti sabab daor disebutna
Sabab dat sejen ayana ngadago ayana Allah		Anu matak mustahil padago - dagona Allah
Atuh Ka Allah mustahil tetepna daor tasalsul		Maka kusab kitu anyarna Allah mustail

3.     Sipat Baqo

Wajib dihak Allah sifat baqo katiluna		Hartina ayana Allah eta te aya tungtungna
Ayana Allah taalamah moal kena ku ruksak		Naha alam ker aya atawa ges ancur beak
Anu jadi dalil kana langgengna dat Allah		Sabab mun Allah teu langgeng tangtu anyar teu salah
Anyarna Allah taala kapan etateh mustahil		Atuh ku uarang kaharti teu langgeng Allah mustahil
Urang ges ngarti kasipatan qidam		Alah mustahil anyar sabab nu anyarmah alam

4.     Sifat Mukholafatul Lil Hawadisi

Ari sifat nu ka opat mukholafatuhu tangala		Lijamiil makhkuqoti subhanahu watangala
Hartina beda jeng makhluk ayana Allah tangala		Boh dina dat dina sifat tegesna dina sagala
Tina kabedaan Allah teu ngalaf fanggonan		Teu dikaler teu di kidul teu di kulon teu di wetan
Teu diluhur teu di handap jeng henteu di teungah- teungah		Henteu kakurung ku waktu jeng ku tempat kade salah
Henteu letik henteu gede heunteu hawuk henteu heurang		Lain sinar lain cahya lain poek lain caang
Rupa rupa dat jeng sipat oge deuih pagawean		Anu araya dimakhluk di Allah reu aya pisan
Sabab sagalana makhluk di dameul ku Allah		Tina datna boh sifatna katut tingkah paripolah
Dat Allah mah kodim nyakitu deui sipatna		Oge dat Allah baqo moal rek aya ruksakna
Mustahil Allah taala nyarupaan kana alam		Yaa robbana lakal hamdu yaa dal jalali wal iqrom
Ari dalil kana bedana Allah ta’ala		Jeng makhluk anu di damel ku mantena nu pertela
Lamun Allah dikira-kuira ken akur jeung nu anyar		Tangtu Allah oge anyar seudeung lamun kitu sasar
Anyar pikeun Allah eta geus jeulas mustahil		Moal bias di bantah sabab tetep make dalil
Karana Allah ta’ata anu teuteup qidamna		Teugeusna euweuh mimiti matak mustahil anyarna

5.     Sifat Al Qiyamuhu Binafsih

Sifat nu kalmia qiyamuhu binafsihi		Jumeuneung kalawan datna gusti Allah fi haqihi
Ma’nana Allah ta’ala teu butuh kana dat sejen		Jeng teu butuh kanu nyieun tegesna kanu ngayaken
Dalilnamah eta lamun di kira-kirakeun		ayana Allah ta’ala butuhen kana dat sejen
Tangtu Allah eta sifat seudeung lamun kitu leupat		Kapan Allah ta’ala dat mustahil butuh kana dat
Nu butuh kana dat eta henteu samar sifat		Kapan Allah ta’ala dat henteu butuh kana teumpat
Jeng mun dikira-kirakeun butuheun kanu ngayakeun		Tangtu Allah eta anyar sabab dijieun nu sejen
Allah henteu butuh ti dat sejen jeng nu nyien		Allah a’damul iftiqor tegesna hente butuhen
Deih dalil dina Qur’an piken urang leuwih yakin		Nyaeta ayat wahua goniyyun ‘anil ‘alamiin

6.     Sifat wahdaniat

Sifat nu ka genep nu wajib peken hak Allah		Eta pisan wahdaniat kade pisan ulah salah
Hartina Allah ta’ala teu bing- bilangan ayana		Dina datna jeng sifatna nyakitu dei damelna
Allah wahdaniat fiddat hiji dina datna		Jeng wahdaniat fissifat sahiji dina sifat-sifatna
Jeng wahdaniat fil af’al hiji dina padamelanana		Tegesna sakabeh mumkin fidamel manteuna
Hiji datna Allah beresih tina dua kam		Kam muttasil kam munfasil ya sohibbu fata’allam
Ari kam muttasil fiddat eta hijina dat Allah		Henteu narima kabagi kana zuz anu katelah
Eweh sebutan saparapat jeng satengah		Saperlima sapergenep satuluyna anu lumrah
Sabab kam muttasil fiddat eta hijina dat Allah		Heunteu kasusun tina zuz bingbilangan anu kafrah
Kam munfasil fiddat Allah ta’ala hijina		Hebteu dua henteu tilu tegesna eweh rencangna
Lain anu di putraken jeng henteu anu putraan		Tunggal anu sajatina eweh anu ngarencangan
Sabab lamun teuteup kam tang tu Allah anyarna		Atuh kam muttasil fiddat eta jelas mustahilna
Jeng lamum dikira-kiraken pangeran aya duana		Saluyu naha pasea moal kaharti buktina
Najan saluyu numatak moal kaharti		Sabab jadi apes salasahijina misti
Tangtu nuhiji ngayaken hijideuige ngayaken		Lamun nu hiji deui ngwehken hiji deui ge ngewehken
Ngan aya jeung euweuh bisa dikira-kiraken		Eta tapak nu tiheula nu ka dua teu napakan
Keresana nu kadua ngayakeun nu ges aya		Nyakitu deui ngewehken nu geus euweuh teu sulaya
Ana kitu apeus pangeran aya duana		Atuh pangeran aya duateh eta jelas mustahilna
Karena ari apeusteh lain sipatna pangeran		Tapi sipat anu anyar nu teu aya kamampuhan
Allah beresih ti kam muttasil pissifat		Hente aya rangkeup-rangkeup sifat Allah nu kasebat
Henteu aya qudrat sua kitu deui iradatna		satuluyna hiji-hiji Allah ta’ala sifatna
Kam munfasil sipat piken kak Allah beresih		Hartina sifat Allah eta dinu sejen euweuh
Piken sakabehna makluk urang kudu pina yakin		Eweuh nu bogaeun sipat saperti rabbil ‘alamin
Allah beresih ti kam muttasil fil af’al		Teugesna lianti Allah teu aya nu gaduh dameul
Sabab didamel ku Allah jirim jeng gawena		Dalilna Wallahu kholaqokum wamaa ta’maluun
Wallahu a’lam ari Allah eta nyieun		Ka aranjen jeng perkara anu aranjen ngalampahken
Dalil aqal dalil naqal ges nuduhken dunana		Kana sahijina Allah dat sipat jeng dameulna

7.     Sifat Qudrat

Sifat nomer tujuh piken hak Allah ta’ala		Nyaeta sifat qudrat kudu ngarti sing pertela
Hartina Allah ta’ala kasifatan ku kawasa		Kana sakabeh nu mumkin tegeuna sagala bisa
Ari mumkinteh nyaeta makhluk buktina		Nu sok dibasakeun alam sakapeungmah  disebutna
Mustahil Allah apeus sabab geus jelas dalilna		Nyaeta ieu alam anu pertela buktina
Lamun Allah apeus tangtu moal bukti alam		Ari sedeng eta alam bukti nyata tur ka faham
Mangka atuh eta jelas dat Allah teh wajib qudrot		Anu hente nekadkeun jalma sasar nu ka seubat
Ngayakeun nu mumkin jeung ngeuweuhken nu mumkin teh		Eta qudratna Allah ta’alukna tujuh shoheh
Kkahiji suluhi qodim eta kapanteusan kholik		Dina zaman ajali ngayaken ngeuweuhken makhluk
Nu kadua qobdoh hartina kawasana Allah		Dina zaman ajali nganggeurken ka makhluk euweuh
Katilu tanjiji hadis nyaeta Allah ta’ala		Kawasa ngayaken makhluk ku qudratna nu pertela
Nu ka opat kobdoh eta kawasana Allah		Neuteupkeun ayana makhluk samemeh ngareupkeun euweuh
Mun Allah ngarepken aya tangtu aya satuluyna		Mun Allah ngareupkeun euweuh nyakitu tangtu euweuhna
Taallukna qudrat anu nomor kalimana		Nyaeta tanzizi hadis kawas anu katiluna
Ngan ari harti ieumah Allah ta’ala ngewehken		Ka makhluk sabada aya ke manteuna disepikeun
Ka genep qobdoh eta kawasana Allah		neteupkeun euweuhna makhluk dina kaayaan euweuh
sabab sakabehna makhluk anu ayana ges bukti		Eta bakal eweuh heula ges kitu kareupna gusti

8.     Sipat Irodat

Wajib pikeun Allah irodat ka dalapana		Hartina Allah ta’ala sakareup-kareup manteuna
mustahil Allah ta’ala eta kapaksa ayana		Sabab mun Allah kapaksa eta apeus di seubutna
Allah ta’ala henteu kapaksa ayana		kana ngabuktikeun mumkin eta sakeursa manteuna
Sakareup-kareupna Allah ngeweuhken ngayakeunnana		Kana sugih jeung fakirna jeung panjang pondok  umurna
Ku karepna alloh jangkung pendek gering		Susah bungah hirup maot nu bodo jeung nu pinter
Nyakitu bagja cilaka bahaya tawa santosa		Renghap kiceup usik milik urang heunteu kumawasa
Ta’alluk irodat etateh tujuh lobana		Akur jeng ta’alluk kudrot dina tartib jeung ngaranna
Ngan ari dina kudrotmah eta kawasana Alloh		Ari dina irodat mah eta panangtuan Alloh

9.     Sifat illmu

Wajib di hak Alloh sifat nomeur ka salapan		Nyaeta sifat ilmu Alloh uninga eunyaan
Panguninga Alloh kana sakabeh anu mumkin		Euweuh pisan kasamaran jauh deket dohir batin
Tingkah polah makhluk usik cicing diuk nangtung		Katut kereteug atina keur alloh taya hahalang
Ari ilmuna alloh eta ilmu anu kodim		Alloh heuteu bodo heula uningana kana ma’lum
Ta’allukna ilmu eta teh tilu lobana		Kanu wajib jeung mustahil nyakitu deui jaizna
Alloh ta’ala uninga kana perkara anu wajib		Jeung mustahil jeung anu wenang euweuh perkara anu goib
Ari dalil kana ilmuna robbul ijjati		Nya’eta buktina alam ku urang oge kaharti
Sabab lamun Alloh bodo tangtu moal bikti alam		Ari seudeung ieu alam bukti nyata tur kapaham

10.                        Sifat Hayat

Wajib di hak Alloh sifat nomeur sapuluhna		Nyaeta sifat hayat Alloh teh wajib hirupna
Mustahil Alloh eta dzat anu heunteu tetep hayat		Teugeusna mustahil Alloh ta’ala teh eta maot
Ari dalil kana Alloh ta’ala hirupna		Nyaeta buktina alam ku kawasana manteuna
Sabab lamun Alloh maot tangtu moal kasifatan		Ku kawasa jeung ku kareup oge deui kapinteuran

11.            Sipat Sama

Wajib di hak Alloh sipat nomer sabelasna		Nya’eta sipat sama Allah wajib ngadanguna
Mangka eta mustahil teuteupna torek dat Allah		Sabab torek sipat kurang keur Allah henteu mereunah
Ari dalil kana Allah teuteup ngdanguna		Sabab lamun Allah torek eta Allah teu sampurna
Karena Allah ta’ala dat anu maha sampurna		Beresih tina sagala kakurang piken manteuna
Lamun dat Allah lain dat anu sampurna		mangka silih sarupaan tangtu Allah teh anyarna
Ari anyarna dat Allah subhanahu wata’ala		Kapan etateh mustahil dina kitab ges peurtela

12.  Sifat Bashor

Nu nomeur dua beulas wajib di Allah ta’ala		Nyaeta sipat bashor Alloh ta’ala peurtela
Ningali Allah ta’ala kana sagala perkara		Tegesna kana maojud rek jeuntul atawa sora
Dalil aqalna Allah kana sipat bashor		Kawas dalil sipat sama ngaheunteuken allah anyar
Sabab lamun Allah lolong eta Allah teu sampurna		Lamun Allah teu sampurna tangtu Allah teh anyarna
Allah sampurna atuh ngadangu ningali		Eta ku ditekadkeun kade pisan ulah lali
Ari dalil ningalinamah kana sipat sama bashor		Nyaeta dina al qur’an wa’huwas samii’ul basyiir

13.  Sipat Kalam

Tilu beulasna sipat wajib di pangeran		Nyaeta sipat kalam Allah wajib sasauran
Ari sasauran Allah ta’ala numaha agung		Teu aya harap jeng sora euweh mimiti jeung tung-tung
Mangka mustahil eta pireuna dat Allah		Sabab pireu sipat kurang ka Allah teu munasabah
Ari anu jadi dalil kana ieu sipat kalam		Nyaeta pidawuh Allah dina qur‘an kudu paham
Wakallamallohumuusaa takliimaa		Kitu ayat dina qur’an kudu apal tiap jalma
Nyaeta ieu ayat teh nu disebut dalil naqli		Eta teh sarua bae jeung tujuan dalil aqli
Ari hartina etateh walahua’lam		Ngan kira-kira kieu piken urang anu awam
Allah ngabukakeun hijab sipat kalam ka rosulna		Nyaeta kanabi musa kalawan kalam sampurna
Ari sipat wujud etateh sipat nafsiah		Tuluy lima bada ieu diseubut sipat salbiah
Buktinateh qidam baqo mukholafatuhu ta’ala		Qiyamuhu binafsihi wahdaniat nu peurtela
Saba’da nu geneup sipat ma’ani ngarana		Ti mimiti nomeur tujuh nepi ka tilu beulasna
Buktinateh sipat qudrat iradat jeng sipat ilmu		Sipat hayat sama bashor sipat kalam kudu timu

14.  Sifat Kounuhu Koiron

Wajib dihak Allah sipat nomeur opat belas		Qounuhu qodiron sing apal nepi ka jeulas
Hartina ayana Allah eta dat anu kawasa		Geus dibahas dina qudrot Allah nusagala bisa
Eta mustahil ayana Allah nu apeus		Karena eta nu apeus sipat kurang anu teuges
Ari anu jadi dalil kana teuteup ieu sipat		Eta dalil sipat qudrot ku urang engeus kaliwat

15.  Sifat Qaunuhu Muridan

Nomer lima beulas nu wajib piken hak Allah		Qaunuhu muridan fa’lamhu yarhamu’ kallah
Hartina eta ayana nu sakareup-kareup Allah		Mustahil anu ka paksa tadzakkaru subhanalloh
Ari pikeun dalil teuteup ieu sifat		Nu tiheula geus di tutur nyaeta sifat irodat
Sabab lamun nu kapaksa tangtu Allah anu leumah		Ari leumah pikeun Allah eta mustahil teu  salah

16.  Sifat Qounuhu Aliman

Nomer ka geneupbelas wajib di robbul ijjati		Qonuhu aliman jalma islam kudu ngarti
Hartina ayana allah ta’alateh anu pinteur		mustahil anu bodo Allah tara ka balingeur
Lamun Allah bodo tangtu moal bisaeun		kana ngabuktikun alam nu jelas enggeus dijieun
Atuh ku buktina alam yakin Allah anu pinter		Mangka urang sing ma’rifat sangkan hirup jeujeug beuner

17.  Sipat Qounuhu Hayyan

Nomeur tujuh belas sifat qounuhu hayyan		Nu wajib piken hak Allah dina hayyat didalilan
Anu pihartieunana ayana Allah anu hirup		Mustahil anu maot dalilna alam nutumeutep
Qudrot jeng irodat eta jadi dalil		Kana hirupna pangeran ya Allah robbul jalil
Sabab lamun Allah maot tangtu moal kateuteupan		Ku kawasa jeng ku kareup oge deui kapinteuran
Hirup di hak Allah eta kaharti ku aqal		Nyakitu ayana Allah anu hirup nu jelas netral
Sabab qonuhu hayyan nisbat kana sifat hayyan		Eta disebut talajum hartina ngengket kaseubat

18.  Sipat Qounuhu Samian

Kadalapan belas sifat nu wajib di Allah		Qounuhu samian qoiman fidatillah
Hartina anu ngadangu eta ayana dat Allah		Sabab mun torek teu sampurna moal salah
Ari teu sampurna eta silih sarupaan		Jeng makhlukna anu jelas aya dina kakurangan
Ayana Allah nu torek etateh jelas mustahil		Sabab tangtu Allah anyar anu mustahil cek dalil

19.  Sifat Qaunuhu Basyiron

Wajib di hak Allah sifat ka salapan belas		Qounuhu bashiron urang kudu ngarti jelas
Hartina ayana Allah taala anu ningali		Mustahil anu lolong Allahmah tara pahili
Anu jadi dalil kateuteup ieu sipat		Anu jadi dalil bashor nu pertela ges kaliwat
Kana sakabehna sipat nu wajib pikeun hak Allah		Kudu faham sing ma’rifat ulah poho jeng gagabah
Kade ulah ingkar sabab matak jadi murtad		Ari jadi jalma murtad jalma nu najis I’tiqod
Naudzubillahimindzaliq muga Allah nyalameutken		Tina salahna aqidah muga Allah ngajauhken

20.  Sifat Qounuhu Mutakaliman

Nomeur dua puluh sifat wajib di pangeran		Wahuwa qounullohi ta’ala mutaqaliman
Hartina ayana Allah eta anu sasauran		Mustahil anu pereu sabab fireu kakurangan
Ari seudeung Allah dat anu maha sampurna		Beureusih tina kakurangan sagala pikeun manteuna
Kareuna ari kurangmah eta sifat anu anyar		Kapan dat Allah mah qodimheubte kurang heunteu samara
Conto manusa heunteu weuleh kakurangan		Naha ilmu tawa dun’ya atawa ku sandang pangan
Mangka jelas sifat kurang eta teuteup dinu anyar		Di Allah teu aya kurang Allah sampurna teu samara
Sangges situtur sifat wajib di hak Allah		Jeng sifat nu mustahil jadi jumlah opat pulluh

21.  Sifat Zaij di Hak Allah

Tambah sifat anu wenang anu wajib di tekadken		Ku kabeh jalma mukallaf ulah di popohokeun
Ari nyatana sipat weng dipangeran		Nyaeta ngadameul mumkin atawa ngantunkeun mumkin
Ari buktina mumkinteh eta perkara lianti Allah		Rek bangsa dat bangsa sifat tawa tingkah paripolah
Naha katingali atawa teu katingali		Sakur salianti Allah eta mumkin ulah lali
Saperti tingkahna jalma eta disetbutna mumkin		Eta kuma kareup Allah buktina dohir jeng batin
Deui nugraha balangsak sugih jeung   fakir		Susah bungah untung rugi hirup maot geuring cageur
Renghap kiceup usik malik eta barang mutamakin		Urang kudu beneur ngarti make tekad anu yakin
Dalil sifat wenang tumeuteupna di hak Allah		Pek ku urang peurhatikeun sangkan heunteu jadi salah
Lamun di kira-kirakeun nu mumkin wajib di dameul		Geus tangtu bakal ka balik kana wajib jeung mustahil
Conto lamun wajib ngadameul manusa cageur		Atun mausa geringteh eta mustahil teu samara
Sedengkeun lamun mustahil ayana manusa geuring		Mangka kabeh manusateh kudu cageur berang peuting
Ari buktina eta ngijir kanyataan		kapan kabeh manusateh gearing cageur kakapeungan
Sabab cageur lain wajib jeng gearing lain mustahil		Tapina geuring jeng cageur kaweunangan robbul jalil
Mangka dimanusa gearing atawa cagerna		Eta jelas barang mumkin sabab bukti duanana
Matak midameul mumkin atawa ngantunken mumkin		Eta weunang pikeun Allah hai muslimin kudu yakin
Kudu beuner ngarti kana ieu sipat wenang		Sangkan teu aral subaha gearing cageur ripuh seunang
Sabab pinuh kayakinan dina hate anu kuat		Eta kaweunangan Allah urang kudu beuner toat

Sifat Nabawiat

Ari kabeh sifat wajib dipara utusan		Nyaeta aya opat meleunggeuran kudu pisan
Jeung anu mustahil opat eta hiji sifat wenang		Teuteup dipara utusan mu’takod anu teu mangmang

Sifat Sidik

Sifat nu kahiji nu wajib dipara rosul		Nyaeta sifat sidik wajib beuneur para rosul
Mustahil dipara rosul kateutuepan kadib		Hartina mustahil bohong sabab rosul beuneur wajib
Ari dalilna kana teuteup sifat sidik		Sabab lamun rosul bohong ku rang pikir sing telik
Tangtu hobar Alloh bohong tah kapan qur’an buktina		Karena dawuh Alloh teh rosul nu nyumpingkeunnana
Jelas rosul beuneur geus puguh waktu dinesna		Sanajan dina guguyon beuneur bari cariosna
Moal aya rosul bohong sabab geus jelas dalilna		Maka para rosul bohong atuh nya mustahil

Sifat tablig

Sifat kaduana wajib dipara utusan		Nyaeta sifat tablig para rosul nganeupikeun
Kana hukum Alloh teu aya sumput salindung		Didatangkeun ka umatna kitu parentah nu agung
Mangka mustahil para rosul nu nyumputkeun		Kana kabeh hukum Alloh ka umatna ditepikeun
Dalilna mah eta bae lamun dikira-kirakeun		Kana hukum-hukum Alloh para rosul nyarumputkeun
Tangtu urang kudu nyumputkeun hukumna Alloh		Sedeungkeun pikeun urang teh nyumputkeun hukum dicegah
Sabab nyumputkeun hukum teh kana naon hukum Alloh		Eta geus jelas dilaknat kitu dawuh Rosululloh

Sifat amanah

Ari nu katilu wajib dipara utusan		Nyaeta sifat amanah hartina karaksa pisan
Tina tiba kana haram atawa makruh nu kaseubat		Kapan para rosul ma’sum diraksa tina maksiat
Dameul para rosul antara wajib jeung sunat		Dina tingkah sareung laku henteu nincak kana leupat
Mustahil dipara rosul kateuteupan ku khianat		Ku midameul anu haram jeung makruh sarta maksiat

Sifat fatonah                    

Sifat nu ka opat wajib dipara utusan		Nyaeta sifat fatonah wajib teuteup kapinteuran
Anu jadi dalil pinteurna para utusan		Nyaeta ngelehkeun musuh ku hujjah jeung diperangan
Sabab kabeh para rosul teu aya kacaritakeun		Kungsi eleh ku musuhna atawa dilemahkeun
Kabeh rosul menang bae boh padu atawa perang		Jeung musuh anu ngaganggu kana agama ngahalang
Eta jadi dalil kana pinteur para rosul		Ku ayana hujjah padu jeung peurangna teuteup unggul
Mustahil dipara rosul kateuteupan sifat beuleut		Sabab dalil geus nuduhkeun urang ulah jadi ruweut

Sifat jaiz dipara Rosul

Nomeur lima puluh weunang dipara utusan		Sifat arod basyariah nyaeta ka manusiaan
Hartina sakabeh rosul weunang ka sifatan sifat		Biasa bangsa manusa nu henteu ngurangan pangkat
Ka manusiaan nu henteu matak ngurangan		Kana pangkat ka rosulan anu teuteup ka unggulan
Conto saperti teudamang kuleum jeung angkat-angkatan		Barang leueut,barang tuang ical galeuh tutunggangan
Jeung lian ti eta saperti nikah rimitan		Rumah tangga pergaulan nu matak janteun ganjaran
Sabab kabeh laku rosul eta conto kaalusan		Karana laku rosul mah teu aya kamaksiatan
Dipara rosul ku wenangna ieu sifat		Eta bisa jadi tuduh rosul lain malaikat
Karana malaikat mah tara tuang tara leueut		Sanes istri, sanes wandu jeung sanes pameugeut
Malah para rosul lain bangsa golongan jin		Teugeusna bisa ditinggal ku panon urang nu yakin
Karana golongan jin mah teu bisa lumrah beurgaul		Jeung urang bangsa manusa lumrahna jin teu ngajentul
Dipara rosul nalika teu damangna		Nu teu matak jadi cacad martabat para manteuna
Teu aya udur ngalindur sareung teu damang sakalor		Tara kesrek tara corob taya panyawat menular
Ari dalilna teuteupna ka manusaan		Dipara rosul nu mulya henteu aya ka mangmangan
Para sohabat ningali, nguninga sareung nyaksian		Kana jeujak langkah rosul nu teu aya ka hinaan
Sabab para rosul sanajan sok barang tuang		Atanapi barang leueut sanes nga gugu ka hayang
Tapi wungkul karana Alloh ku sabab kuat ibadah		Jeung contoan ka umatna eta teh henteu dicegah
Karana dina kuleumna memang soca dipeureumkeun		Anapon ari manahna eling bae emuteun
Ieu dalil teuh disebut bil musya’hadah		Nyaeta para sohabat nyaksian ka rosululloh
Dina jumlahna sohabat anu pohara seueurna		Anu pada sasareungan dina waktos jumeuneungna
Sareung ebogna sanes ka tungkul ku tunduh		Sabab dina eta kuleum teu weleh dzikir ka Alloh
Buktina  emuteun eta rosul tara ngimpen		Tara ngalindur jeung gundam tapi amal anu nyeupen
Karana tingkah garwana atawa para sohabat		Sanaos manteuna kuleum terang bae tara leupat
Wajib ma’ripat kade pisan ulah hilap		Kana kabeh ieu sifat ka sakur jalma mukalap
Kudu apal jeung hartikeun asupkeun kana pikiran		Pake I’tiqod nu kuat sapanjangna kahirupan
Jalan I’tiqod ahlu’sunnah waljamaah		Ulah rek bisa kalindih ku I’tiqod nu salah
Sangkan anteung jejeg beuneur nyekelna kana agama		Heunteu bisa jadi robah tina pamalsuan jalma
Ari taohid ka Alloh anu kawasa		Eta ibadah nu ikhlas lain karana manusa
Sabab euweuh nu digugu kajaba Alloh ta’ala		Ku sagala laku lampah dina taqwa nu peurtela
Turut parentahna ngajauhan panyaramna		Dibareungan ku tawakul pasrah ridho salawasna
Eta tugasna manusa dina ieu kahirupan		Buat beukeul ka akherat ngarah hasil ka bagjaan
tina kandungan anu ku urang ditutur		Sagala rupa makhluk wungkul Alloh anu ngatur
Sabab sagalana makhluk eta diatur ku Alloh		Ngan urang dibere kasab jeung ikhtiar ulah salah

Rundayan Rosul Musthofa

Jeng wajib nyaho sakabeh jalma muslim the		Katurunan jungjunan muhamad rosululloh
Kana ti jihat ramana sareng ti jihat ibuna		Ulah rek di lumayanken etateh wajib apalna
Kangjeng nabi teh muhamad utusan alloh		Putrana sayid abdulloh ramana rosul nu katelah
Ari ramana abdulloh abdul mutalib namina		Ieu teh putrana hasim bin abdi manaf buktosna
Abdi manaf teh putra kusoy nu katelah		Kusoy anu putra  kilab ari kilab putra murroh
Murroh anu putra ka’ab bin luay anu kamashur		Luay anu putra golib ieu golib putra pihir
Pihir bin malik ibni nador bin kinanah		Anu putra hujaimah hujaimah bin mudrikah
Mudrikah teh putra ilyas bin mudor nu putra nijar		Ieu nijar putra ma’ad bin adnan anu teu samara
Ari lungsurran rosul it jihat ibuna		Sayidina Muhammad putra aminah aslina
Aminah teh putra istri ti wahab bin abdimanaf		Ieu mah putrana juhroh bin kilab kade hilap
Mangka di kilab kumpulna eta lungsuran		Ti ibuna ti ramana henteu aya mangmangan
Kitu ringkesna  lungsuran anu urang    wajib apal		Teugeusna sakabeh muslim nu baleg tur boga akal

Saddatul Ummati

Jeung di perluken  kamuslimin jeung muslimat		Kana kudu nganyahokeun kabeh sadatul ummah
Ari sadatul ummah teh para putra Rosululloh		Anu seueurna teh tujuh alaihim ridwanulloh
Anu kahijina  said kosim anu kateulah		Ieu teh putra pameugeutna Rosululloh putra cikalna Rosululloh
Ka dua saidah jainab tilu saidah rukoyah		Ari anu ka opatna eta saidah patimah
Sareung saidah umukulsum kalimana		Ari anu kageuneupna saidah Abdulloh namina
Ieumah anu di telah ku toyib sareng kutohir		Kitu numut keun riwayat anu kuat tur kamashur
Said ibrohim putra anu ka tujuhna		Iyeu mah putra pameget putra rosul pang bungsuna
iyeu sadayana putra eta ti siti khodijah		Kajaba said ibrohim eta ti siti mariam
Ari sadatul umah teh pang mulyana umat		Dina pangkat kaunggulan di dunia jeung di akherat